Ad Banner
Ad Banner
Ad Banner
Ad Banner

Yamal pritet të jetë gati për ndeshjen e parë të Botërorit

16:42 | 1 Qershor 2026
D.H

Përzgjedhësi i Kombëtares së Spanjës, Luis de la Fuente, ka konfirmuar se ylli i ri spanjoll, Lamine Yamal, pritet të jetë plotësisht i gatshëm për ndeshjen e parë të Spanjës në Kupën e Botës.

Tekniku spanjoll u shpreh optimist për gjendjen e sulmuesit të ri, duke theksuar se rikuperimi i tij po ecën sipas planit.

“Ai po stërvitet shumë mirë, po rikuperohet mirë dhe duhet të jetë i gatshëm përpara ndeshjes sonë të parë”, deklaroi De la Fuente.

Nëse gjithçka shkon sipas parashikimeve, ylli i Barcelonës do të jetë në dispozicion të trajnerit për debutimin e Spanjës në Kupën e Botës, duke i dhënë një shtysë të madhe ambicieve të “La Rojas” në turneun më të madh të futbollit.

Spanja ndodhet në grupin H me Uruguain, Cape Verden dhe Arabinë Saudite.

Ndeshja e parë e “La Roja” do të jetë me 15 qershor ndaj Cape Verdes./Arbresh.info

 

 

 

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm